آواران: کولواہ ءَ زورگریں پاکستانی لشکر ءُ چیریں ادارھانی کارمنداں دو مردم آوار جتگ ءُ بیگواہ کرتگ۔
اھوالکار ءِ رد ءَ زور بیگواہ کنگ بوتگیں مردمانی نام رسول بکش ء گلامی ءُ کریم بکش ء گلام اِنت کہ کماشیں مردم اَنت ءُ لال جان بازار، سنڈم گیشکور ءِ جھمنند اَنت۔ زور بیگواھیں دوئیں مردم وت ماں وت برات اَنت
زورگریں پاکستانی لشکر ءُ چیریں ادارھانی کارمنداں مرچی سھب ءَ گس ءَ بیڑ برتگ ءُ آوار جتگ اَنت۔ پاکستانی لشکر ءَ بیڑ برگ ءِ میان ءَ گسانی پٹ ءُ پول کنگ ءِ ھواری ءَ آدگہ مردم زوراکیانی نشانگ کرتگ اَنت۔
یات بہ بہ اِت کہ یک نیمگے ءَ زوریں بیگواھی ءُ دروگیں میڑاں زور بیگواھیں مردمانی ناھکیں کوش ءِ بگیری ءَ اسلام آباد ءَ بلوچ یکجھتی کمیٹی ءِ نیمگ ءَ زھرشانی نندانک برجاہ اِنت ءُ تیوگیں بلوچستان ءَ زھرشانی کنگ بوگ ءَ اِنت دومی نیمگ ءَ پاکستانی لشکر ءَ وتی زوراکی یکشل ءَ برجاہ داشتگ اَنت۔
