کیچ: تمپ ءِ کِر ءُ کشاں دزی ءُ لٹ ءُ پلانی گیش بوگ ءِ بگیری ءَ انجمن تاجران تمپ ءِ جارءِ پد ءَ سرجمیں شھر ءَ تھتگ بند ھرتال کنگ بیتگ۔ تھتگ بند ھرتال ءِ سوب ءَ درسیں مارکیٹ ءُ باپاری جاہ بند کنگ بیتگ اَنت۔
آیاں پولیس ءُ لیویز کارمندانی سر ءَ شرگداری کرتگ ءُ گوشتگ کہ کانود ءِ پھازدار تر ءُ گرد کنگ ءَ نہ اَنت ءُ دزی ءُ لٹ ءُ پلانی دارگ ءَ سرجم ءَ بے سوب بیتگ اَنت۔
انجمن تاجران ءِ نیمگ ءَ گوشگ بیتگ کہ چہ انتزامی ءِ نابودی ءُ مردمانی جان ءُ مال ءِ پھازاداری ءَ بے سوب بوگ ءِ بگیری ءَ باندا شمبے ءِ روچ ءَ زھرشانی روانکے کش ایں ءُگوں درسیں بھرگاں سیادی داروکیں گل ءُ مردماں لوٹ کن ایں کہ آ بھر بزار اَنت۔
