بلوچ یکجھتی کمیٹی ءِ سروک ڈاکٹر سبیہ بلوچ ءَ گوشتگ کہ من بارکونسل مکران ءِ گون ءءَ یکجھتی کن آں کہ آیاں بلوچستان ءَ برجاھیں انسانی ھکانی لگتمالی ءِ بگیری ءَ آمیدگس ءَ نہ روگ ءِ نہ ترس ءُ راھبندی پیسلہ کرتگ۔
آئی ءَ گوشتگ کہ اے گھگیری گامگیج یک سکا جوانین وھدے ءَ زورگ بیتگ، زوریں بیگواھی، درکانودی کوش ءُ بگیریانی میارباری لیک بلوچستان ءِ لس مردمانی ھمک روچی راستی یے جوڑ بیتگ۔
ڈاکٹر سبیہ ءَ گوشتگ کہ کانود زانتانی اے لیکہ نہ تھنا چیدگی اِنت بلکیں بے مٹ ءُ توانمند اِنت زرداں توار جنت کہ اے یک دودمانی تباھی یے ءِ میان ءَ دیم ءَ اتکگ۔ وھدے کہ آمیدگس انساپ دیگ ءَ بے سوب بہ بیت ءُ ریاستی ادارہ وت زوراکیاں شریدار بہ بنت گڑا اے وڑیں گامگیج یک دودمانی ءُ شھری پرزے بیت۔ ھمک باسمائیں مردم آ وکیل، نودربر، دانشور، اھوالکار یا سول سوسائٹی ءِ کارکنے بہ بیت آئی ءَ اے زوراکیانی بگیری ءَ توار چست کنگ لوٹ ایت۔
آئی ءَ گوشتگ کہ ما سرجمیں پاکستان ءِ بار ایسوسی ایشن، درسیں راجمستری توان ءُ میان استمانی انسانی ھکانی گلانی گون ءَ لوٹ کن ایں کہ آ وتی بے تواری ءَ بہ پروش اَنت ءُ بلوچستان ءَ پہ انساپ ءِ جھد ءَ کمک بہ کن اَنت۔ کار ءِ وھد ھمیش اِنت۔
