بلوچ اسٹوڈنٹس ایکشن کمیٹی ءِ نیمگ ءَ ھزدار ءِ ھند گریشگ ءَ شئیب بلوچ ءُ ماسٹر وھاب بلوچ ءِ یاتءَ لبزانکیءُ زانشتی دیوانے برجم دارگ بیتگ۔ دیوان ءَ تران، پینل ڈسکیشن، زھگانی گام کلاس، کسمانک، ڈاکومینٹری، بلوچستان کتاب کاروان ءَ ھوار شائری ھم ھوار بیتگ۔
اے دیوان ءِ مھمان بساک ءِ بنجاھی سروک مھمد بلوچ، پھد بلوچ ءُ جویریہ بلوچ بیتگ اَنت۔
بساک ءِ بنجاھی سروکاں تران کرتگ ءُ گوشتگ کہ ما پہ زانت ءُ سما پندلانی رد ءَ چہ زانشتی ءُ لبزانی پڑا دور دارگ بیتگ ایں۔ زانشتی ءُ پولکاری سرگرمیانی جاہ ءَ چاگردی سلکاری ودی کنگ ءَ اَنت دانکہ اد ءَ ورنا چہ زانشتی سپر ءَ پشت ءَ بہ بنت۔ چہ ھمے پندلاں مئے راج ءِ تہ ءَ جتائیں سسائی نادراھی ودی بیتگ ءُ ما کسان کسانیں جیڑھانی تہ ءَ مانگیشتگ ایں۔
آیاں گوشتگ کہ اے دھر ءَ چہ یکشلیں جھد ءَ راج ءِ تہ ءَ نہ تیوک ءَ زانشت ءُ مھکمی ودی بیتگ بلکیں ورنا وتی چاگردی کارانی جوان کنگ ءَ شریں وڑ ءَ گندگ بنت الم اے یک جوانیں گامگیجے۔ مارا مدام وتی ورنا ءُ زھگانی کردی ءُ زانشتی بنیاد ءَ دیم ءَ آرگ ءِ جھد کنگی اِنت۔
