کیچ؛ پاکستانی پوج ءِ دست ءَ بیگواھیں گلام جان ءِ کھول ءِ نیمگ ءَ آئی یل نہ کنگ ءِ بگیری ءَ گوستگیں چار روچ اِنت کہ اومری کھن ءَ سی پیک دگ ءَ زھرشانی برجاہ اِنت۔ زھرشانی ءَ بازیں کچے ءَ مردم ساڑی اَنت۔
آیانی گوشگ اِنت کہ گلام جان وت یک سرکاری نوکرے 26 جون ءَ ھما وھد ءَ آوار جنگ بوتگ کہ آ چہ پیشی ءَ درکپتگ ءُ گس ءَ آھگ ءَ بوتگ۔ گلام جان بے میار اِنت آئی ءَ دگہ ھچ وڑیں میار نیست۔
آئی ءَ گوشتگ کہ ما چہ گلام جان ءِ زوریں بیگواھی ءَ پد گوں انتزامیہ ءَ گند ءُ نند کرتگ اود ءَ مارا ھمے گوشگ بیتگ کہ گلام جان بے میار اِنت آ بس شک ءِ بیاد ءَ برگ بیتگ۔ ما ھم چہ سرکار ءَ ھمے لوٹءَ کنگ ءَ ایں کہ اگاں گلام جان ءِسر ءَ چونیں بھتامے ھست گڑا آمیدگس ءَ پیش کنگ بہ بیت۔
آیانی گوشگ اِنت کہ مرچی مئے زھرشانی ءَ چار روچ اِنت بلے چہ سرکار ءِ نیمگ ءَ پہ گلام جان ءِ آجوئیءَ ھچ وڑیں گامگیج زورگ بوگ ءَنہ اِنت۔
چوش کہ بیگواھیں گلا جانءِ کھول ءَ 11 جون ءَ زھرشانی بندات کرتگ کہ انگت ءَ برجاہ اِنت۔
