گوادر/دشت: پاکستانی پوج ءَ دشت ءِ جاہ منندیں دو مردم آوار جتگ ءُ بیگواہ کرتگ۔
زرمبش جھگیر ءِ رد ءَ بیگواھیں شاہ بکش ء اسمائیل مکی دشت پیروتگ ءِ جاہ منند اِنت ءُ بکش اللہ ء واد بکش دشت مکسر ءِ جاہ منند اِنت۔ شاہ بکش دوشی سے ءَ چہ دشت مکسر ءَ آوار جنگ بوتگ ءُ بکش اللہ دوشی چہ گوادر ءَ آوار جنگ بیتگ۔
شاہ بکش ءِ بابت ءَ گوشگ بیت کہ یکبرے دو ھزار نوزدہ ءَ ھم پاکستانی پوج ءَ آوار جتگ ءُ بیگواہ کرتگ داں ماھے ءَ آزار ورگ ءَ پد آجو بیتگ۔
بنشون ءِ رد ءَ چہ پاکستانی پوج ءِ آزار جاھاں بیگواھیں نسار ء کریم بکش آجو بوتگ۔
آجو بوتگیں نسار پاکستانی پوج ءَ 5 اگست 2023 ءَ چہ تمپ کلاھو ءَ آوار جنگ ءَ پد بیگواہ کرتگ اَت۔ دو سال ءِ زوریں بیگواھی ءَ پد دوشی آجو بوتگ ءُ وتی گس ءَ سر بوتگ۔
