سدھودیش روولیوشنری آرمی ءِ جارکش سوڈو سندی ءَ ماں رسانکدر ءَ وتی شنگ کرتگیں درشان ءَ ھیدرآباد ءَ نسیم نگر تھانه ءِ سر ءَ دستی بمب اُرش ءِ زمه واری من اتگ ءُ گوشتگ کہ ھیدرآباد ءَ پولیس، تیوک ءَ نسیم نگر ءِ پولیس ءَ وادھو واه بائی پاس ءَ راجی زھرشانی ءُ نندانکانی سر ءَ زوراکی ءُ لٹ ءُ شاپ کرتگ ءُ ریاست ءِ پله مرزی کرتگ ، راجی کارکنانی زوریں بیگواھی ءُ دزگیری ءِ پیمیں سند دژمنی کاراں زورگریں پنجاپ ءِ گون ءَ ھوار اِنت۔
جارکش ءَ گوشتگ که ایس آر اے پہ سند سرڈگار ءِ پھازداری ءِ بستار ءَ ، اے دستی بمب اُرش ءِ پارست ءَ سند پولیس ءَ ھواریں درسیں ریاستی دلاریں سروگاناں گڈی رند ءَ کڈن کنت که آ گوں سند ءِ سرڈگار ءِ سر ءَ پنجاپ ءِ زورگپتی ءَ مھکم مہ کن اَنت، اگاں نه سند ءِ پھازداریں سپاھی ءُ سند ءِ راجی لشکر ءِ نشانگ جوڑ بنت۔
سوڈو سندی ءَ درشان ءِ گڈی ءَ گوشتگ که ایس آر اے داں سند ءِ راجی آجوئی ءَ وتی گھگیری جھد ءِ برجاه دارگ ءِ کول ءَ کنت۔
