بالگتر: ساکی ءَ سی پیک دگ ءَ زھرشانی ءَ نشتگیں زوربیگواھیں مردمانی کھول ءُ انتزامیہ ءِ میان ءَ گپ ءُ تران ءَ پد زھرشانی ھلاس کنگ بیتگ۔
اھوالکار ءِ رد ءَ ساکی ءَ سی پیک دگ ءَ زھرشانی ءَ نشتگیں زوربیگواھیں سادک ء واجداد ءُ پیردار ء اکیل ءِ کھولاں وتی آزیزانی زوربیگواھی ءِ بگیری ءَ زھرشانی ءَ شھدگ بند کرتگ اَت۔ آیاں گوں پَنجگُور ءِ اے ڈی سی زپر بلوچ ءَ گپ ءُ تران ءَ پد وتی زھرشانی ھلاس کرتگ ءُ شھدگ پچ کرتگ۔
کھولانی گوشگ اِنت کہ مارا انتزمیہ ءَ دو روچ ءِ وھد داتگ کہ شمئے آزیز آجو کنگ بنت۔ اگاں اے رندی مئے مردم آجو کنگ نہ بوت اَنت ما پد ءَ ھم زھرشانی ءَ شھدگ ءَ بند کن ایں۔
