مستونگ: کلی دتو ءَ مرچی سھب ءَ زور گریں پاکستانی لشکر ءَ بیڑ برتگ ءُ آبد ھسین ء مھمد زمان نامیں ورنایے آوار جتگ ءُ بیگواہ کرتگ، آئی کھول ءَ ریاستی زوراکیانی بگیری ءَ زھرشانی ءَ شال کراچی شھدگ بند کرتگ۔
زھرشانی ءَ مردماں بازیں کچے ءَ بھر زرتگ، زھرشانی کنوکیں مردماں زور بیگواھیں آبدھسین ءِ اکس دستاں بیتگ اَنت ءُ آیاں زوریں بیگواھی ءِ بگیری ءَ اوگام جتگ۔
کھول ءَ گوں مستونگ ءِ کِر ءُ کشانی ھندانی مردماں لوٹ کرتگ ءُ گوشتگ کہ مئے زھرشانی ءَ بھر بزور اِت ءُ مئے گون ءَ توار چست کنگ ءَ کمک بہ کن اِت۔
آیانی گوشگ اِنت کہ زوریں بیگواھی تیوک ءَ آبد ھسین ءِ زوریں بیگواھی نہ اِنت بلکیں ھمک مردم ھمے ریاستی زوراکیانی آماچ اِنت۔
