بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که 23 مئی 2025 ءَ شپ ءِ ھشت ءِ نزیک ءَ بی ایل ایپ ءِ سرمچاراں ھاران ءِ شھر ءَ گواش دگ ءَ زورگریں پاکستانی لشکر ءِ چوکی ءِ سر ءَ آر پی جی ءِ بازیں گولا آس داتگ که بنجل ءِ ته ءَ کپتگ اَنت، اُرش ءِ میان ءَ دژمن ءَ گسانی سر ءَ تیرگواری کرتگ ، بلے سرمچاراں دژمن نشانگ کرتگ ءُ آئی ءَ را جانی ءُ مالی تاوان داتگ.
جارکش ءَ گوشتگ که دگه یک کارے ءَ 22 مئی 2025 ءَ بیگاه ءِ شش ءُ نیم ءِ نزیک ءَ سرمچاراں کولواه ساجدی بازار ءَ دژمن ءِ جتگیں رھوتی نزام ءِ مشین نشانگ کرتگ ءُ تاوان داتگ اَنت.
میجر گھرام بلوچ ءَ ھاران ءَ زورگریں پاکستانی لشکر ءِ سر ءَ اُرش ءُ کولواه ءَ رھوتی نزام ءِ تاوان دیگ ءِ زمه واری من اتگ.
