مشکے: پاکستانی چیریں ادارھانی کارمنداں اھوالکار ابدُلتیپ تیرگواری کرتگ ءُ کشتگ۔
بنشون ءِ رد ءَ کشگ بوتگیں ابدُلتیپ ء جان مھمد روتاک انتھاب ءِ یک نامداریں اھوالکارے دوشی شپ ءِ سَے ءَ پاکستانی لشکر ءُ چیریں ادارھانی کارمنداں آئی گس ءَ بیڑ برتگ ءُ آئی کھول ءِ دیم ءَ ابدُلتیپ تیر جتگ ءُ کشتگ۔
چوش کہ چہ ایشی ءَ پیش 28 پروری ءَ زورگریں پاکستانی لشکر ءَ ابدُلتیپ ءِ کھول ءِ ھشت مردم وتی بنجل ءَ لوٹاھینتگ اَت ءُ زوربیگواہ کرتگ اَت اَنت چہ آیاں چار ورنا یکبرے شھید کرتگ اَت ءُ آیانی لاش چگل داتگ اَنت ءُ لھتیں روچ ءَ پد آدگہ چاریں ورنا شھید کرتگ اِت اَنت ءُ آیانی لاش چگل داتگ اَت کہ چہ شھید کنگ بوتگیں ھشت ایں ورنایاں یکے ابدُلتیپ ءِ زھگ سیپ بلوچ ھم ھوار اَت۔
