شال /مستونگ/ تربت: چہ پاکستانی لشکر ءِ چیریں آزار جاھاں بیگواھیں 19 مردم آجو بوتگ۔
بنشون ءِ رد ءَ چہ شال ءَ جتاھیں وھداں زوربیگواہ کرتگیں پازدہ مردم آجو بوتگ کہ آیانی نام ھلیل اھمد ، ابداللہ کرد ، شپی مھمد ساسولی ، اھمد ھان بنگلزھی، زھور اھمد رند، ھبیب الرھمان لانگو، رزوان شاھوانی، بالاچ شاھوانی، باسد شاھوانی، مھمد آرپ جتک، گل میر سمالانی ، مھمد زکریا کرد، امیر اھمد کرد ءُ یاسر سارنگزھی ھوار اَنت۔
دومی نیمگ ءَ چہ مستونگ ءَ زوربیگواہ کرتگیں ڈسٹرکٹ بار ایسوسی ایشن مستونگءِ کارگشاد چیپ اتااللہ بلوچ ایڈوکیٹ ھم دوشی آجو بوتگ ءُ وتی گس ءَ سر بوتگ۔
چه ایشی ءَ ابید تربت ءَ پاکستانی لشکر ءِ دست ءَ زوربیگواه کنگ بیتگیں چار مردم شئیب ء بشام جاه منند پٹان کور، ساجد ء جان مھمد جاه منند آپسر ، الله بکش ء تاج مھمد جاه منند سنگانی سر ءُ مھمد اکبال ء مھمد اُسمان جاه منند جوسک آجو بیتگ ءُ وتی گس ءَ سر ببتگ اَنت.
درسیں مردمانی آجوئی ءِ گپ آیانی نزیکیں مردماں راست کرتگ اَنت
