کراچی: بلوچ یکجھتی کمیٹی ءِ نیمگ ءَ بلوچ چکچینی ءِ بگیری ءَ لیاری ءَ آدینگ ءِ روچ ءَ بوتگیں زھرشانی ءِ پژدر ءَ پولیس گساں بیڑ برگ ءُ مردماں دزگیر کنگ ءَ اِنت۔
بلوچ یکجھتی کمیٹی کراچی ءَ ماں چاگردی رسانکدر ایکس ءَ نبشتگ کہ لیاری ءِ چاکیواڑہ ءَ ھوار جتائیں ھنداں پولیس ءِ دزگیری برجاہ اَنت۔ انوں پانزہ بیست مردم دزگیر کنگ بوتگ ءُ دیمتر ءَ ھم دزگیر کنگ ءِ ترس ھست۔
آئی ءَ گوشتگ کہ مرچی زھرشانی ءِ میان ءَ پولیس ءَ زھرشانی کنوکانی تامربند جوڑ کرتگ ءُ مئے کِر ءَ ایشی منانک ھست، مارا چونیں تاوان بوت ایشی زمہ وار پولیس اِنت۔
