بلوچ لبریشن آرمی ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں کلات، جیمڑی ءُ پنجگور ءَ سے جتائیں اُرشاں پاکستانی لشکر ءُ وتگڑیں کشندہ ٹولی ءِ کارمند نشانگ کرتگ اَنت۔ اے اُرشاں سرجم ءَ دوازدہ کارمند مرتگ ءُ ٹپی بوتگ۔
آئی ءَ گوشتگ کہ بی ایل اے ءِ سرمچاراں شمبے ءِ شپ ءَ کلات ءِ ھند شیکڑی مورگند ءَ زورگریں پاکستانی لشکر ءِ چوکی اُرشے ءَ نشانگ کرتگ۔ سرمچاراں یکیں وھد ءَ چہ دو نیمگ ءَ زورگریں لشکر ءِ سنگرانی سر ءَ گوں نوک ءُ وتکاریں سلاھاں اُرش کرتگ۔ چہ شپ ءِ یازدہ ءَ بندات بیتگیں اُرش داں سھب ءِ چار ءَ برجاہ بیتگ اِے اُرش ءَ زورگریں لشکر ءِ شش کارمند جاھی مرتگ ءُ بازیں کچے ءَ ٹپی بیتگ اَنت، ھمے وڑ ءَ دژمن ءَ مالی تاوان بیتگ۔
جارکش ءَ گوشتگ کہ داں پنچ اَداراں برجاھیں اُرش ءِ میان ءَ زورگریں لشکر ءِ کمک ءَ ھیلی کاپٹر سر بیتگ۔ ھمے وڑ ءَ دژمن ءَ کواڈ کاپٹر پہ بمبگواری ءَ کامرز کرتگ اَنت۔ ھمے سرمچاراں کارشونی ءِ رد ءَ دژمن بُرزی کمک سانمند کرتگ اَنت ءُ ابید جانی تاوان ءَ وتی مھکمیں بندراں سر بیتگ اَنت۔
آئی ءَ گوشتگ کہ بی ایل اے ءِ سرمچاراں دگہ یک کاروائی یے ءَ شمبے ءِ شپ ءَ گْوادر ءِ ھند جیمڑی ءَ زورگریں پاکستانی لشکر ءِ کوسٹ گارڈ گوں بمب اُرشے ءَ نشانگ کرتگ۔ سرمچاراں جیمڑی ءِ پولیس چونگی ،تاک تیاب دپ ءَ دژمنیں لشکر گوں دستی بمب ءَ ھما وھد ءَ نشانگ کرتگ کہ کوسٹ گارڈ ءِ چار کارمند گاڑی ءِ تہ ءَ نندوک بیتگ اَنت۔ تراک ءِ آسر ءَ دو کارمند سکا ٹپی بیتگ۔
جارکش ءَ گوشتگ کہ بی ایل اے ءِ سرمچاراں شمبے ءِ شپ ءَ پنجگور ءِ ھند گومازین ءَ بی ایل اے ءِ انٹیلی جنس ونگ زرآب ءِ چیریں ھالانی بنیاد ءَ زورگریں پاکستانی لشکر ءُ چیریں ادارھانی جوڑ کرتگیں کشندہ ٹولی ءِ اوتاگ ءِ سر ءَ بیڑ برتگ ءُ چریک ملا آمر گوں دگہ سے کارمند ءِ ھمرائی ءَ کشتگ اَنت۔ سرمچاراں چہ ھمے اوتاگ ءَ چریکانی سلاہ ءُ سامان چوش کہ یک ایل ایم جی ، یک راکٹ لانچر ، یک سی تیر ، یک یو بی جی ایل ، دو گاڑی ءُ یک پرپٹے دستیگ کرتگ ءُ برتگ۔
آئی ءَ گوشتگ کہ چریک ملا آمر کشندہ ٹولی یک مزنیں کارمندے بیتگ کہ پنجگور ءُ کیچ ءَ زورگریں پاکستانی لشکر ءِ کمک ءَ تچک ءَ ھوار بیتگ۔ کشگ بیتگیں چریک گسانی سر ءَ بیڑ برگ، زوریں بیگواھی ءُ جنین ءُ کماشانی کم شرپ کنگ ءَ گوں زورگریں لشکر ءَ ھوار بیتگ۔
جارکش ءَ گوشتگ کہ چریک ملا آمر مارچ 2022 ءَ ھوشاپ ءَ کماندار ھاسل پنام ءِ دودا ءَ ھوار ھپت سنگت ءِ شھیدی ءَ تچک ءَ ھوار بیتگ کہ زورگریں لشکر ءَ گوں ڈرون ءَ سرمچاراں نشانگ کرتگ اَنت۔ ھمے وڑ ءَ پروری 2020 ءَ سرمچار ماسٹر آسپ بلوچ ءَ ھوار دہ سنگت ءِ شھیدی ءَ ھم ھوار بیتگ۔ اے ٹولی اپریل 2024 ءَ پنجگور ءِ ھند گرمکان ءَ بی ایل اے ءِ سنگت ھسرت پنام ءِ اسد ءُ ابدی پنام ءِ ساوڑ شھیدی ءَ ھوار بیتگ کہ زورگریں لشکر ءُ ھمے ٹولی ءِ گون ءَ سرجمیں شپ ءَ میڑ ءَ پد شھید بیتگ اَنت۔
آئی ءَ گوشتگ کہ سرمچارانی شھیدی ءُ بلوچ کُشیں کارانی ھوار بوگ ءِ بنیاد ءَ ملا آمر بی ایل اے ءِ نشانگ ءَ بیتگ کہ سرمچاراں شمبے ءِ شپ ءَ نشانگ کرتگ ءُ گڈی آسر ءَ سر کرتگ۔
جیھند بلوچ ءَ اِے اُرشانی زمہ واری من اِتگ ءُ گوشتگ کہ زورگریں پاکستانی لشکر ءُ آئی ءِ کمکارانی سر ءَ مئے اُرش برجاہ بنت۔
