ھاران: 2 جون 2013 ءَ پاکستانی لشکر ءِ دست ءَ زور بیگواہ کنگ بوتگیں ورنا ابدالکریم میروانی ء ابدارزاک ءِ مات ءَ وتی زھگ ءِ آجوئی ءِ لوٹ کرتگ۔
آئی ءِ گوشگ اِنت کہ منی زھگ ءِ زوریں بیگواھی ءَ یازدہ سال سرجم بوتگ کہ انگت بیگواہ اِنت ما ھچ نزانیں آ چون ءُ کج ءَ اِنت، کشگ بوتگ یا زندگ اِنت۔
آئی ءِ گوشگ اِنت کہ کجام مردم لشکر ءِ دست ءَ زور بیگواہ کنگ بیت گڑا تیوک ءَ آئی جند ءِ گون ءَ زوراکی کنگ نہ بیت بلکیں آئی تیوگیں کھول رنجانی آماچ بیت۔
زور بیگواھیں ابدالکریم ءِ مات ءَ گوں سرکار ءُ مردمی ھکانی ادارھاں لوٹ کرتگ کہ پہ منی زھگ ءِ آجوئی ءَ وتی کرد ءَ پیلو بہ کن اِت۔
