سند: چہ سند شھکور ءَ پنجاپ ءَ آپ برگ ءِ بگیری ءَ سند ءِ جتائیں ھنداں مرچی یازدہ روچ اِنت کہ زھرشانی برجاہ اَنت۔ زھرشانیانی سوب ءَ چہ سند ءَ پنجاپ ءَ روکیں درسیں لائن یازدہ روچ اِنت کہ سرجم ءَ بند اَنت۔
زھرشانی کنوکانی گوشگ اِنت دانکہ چہ سند شھکورءَ پنجاپ ءِ نیمگ ءَ روکیں درسیں جُوانی شوربندی ءُ چہ سندءِ ڈگاراں لشکری شرکتانی زورگپتی ھلاس کنگ مہ بیت سند ءَ روکیں شھدگ پچ کنگ نہ بنت۔
زھرشانی کنوکاں زرمبشت ءِ گیش ترند کنگ ءِ جار جتگ۔
اے درگت ءَ جسکم ( بشیر ھان گروپ ) ءَ 11 مئی ءَ چہ سند ءَ پنجاپ ءَ روکیں درسیں ریلوے لائن ءُ ریلوے اسٹیشنانی بند کنگ ءِ جار پرینتگ۔
