دکی: شمبے ءِ روچ ءَ چہ پاکستانی لشکر ،سی ٹی ڈیءِ دروگیں میڑ ءَ کشگ بیتگیں مردماں یک مردمے پجارگ بیتگ۔
بنشون ءِ رد ءَ کشگ بیتگیں مردم ءِ نام مھمد دین مری اِنت کہ چار ماہ پیش پاکستانی لشکر ءَ چہ ھرنائی ءَ آوار جتگ ءُ بیگواہ کرتگ۔ آئی زوریں بیگواھی ءِ کیس 19 جنوری 2025 ءَ ماں رسانکدر ءَ شنگ بیتگ اَت ءُ پہ آئی ءِ آجوئی ءَ انسانی ھکانی کارکناں توار چست کرتگ اَت۔
مھمد دین مری مرچی سھب ءَ گوں دگہ چار مردماں سی ٹی ڈی ءِ دروگیں میڑ ءَ کشگ بیتگ۔ آدگہ مردم انگت ءَ پجارگ نہ بیتگ اَنت انچوش گمان کنگ بوگ ءَ اِنت کہ آ ھم زور بیگواھیں مردم بنت۔
