سندھودیش روولیوشنری آرمی ( ایس آر اے )ءِ جارکش سوڈو سندی ءَ ماں رسانکدر ءَ وتی شنگ کرتگیں درشانے ءَ گوشتگ کہ ایس آر اے ءَ دوشی کمبر شھداد کوٹ کچی پل ءِ نزیک ءَ پنجاپ گجرانوالہ ءِ جاہ منند ھارویسٹر مشین ءِ دو ٹیکدار ارشد ءُ مبشر پنجاپی ءِ سر ءَ ارش ءُ نوشھرو ءُ مورو ءَ نیشنل ھائے وے ءَ این ایل سی ءِ ٹینکرانی سر ءَ بیتگیں ارشانی زمہ واری ءَ من ایت۔
آئیءَ گوشتگ کہ پاکستان ریاست ءَ سند پہ زور دستیگ کرتگ، واک ءُ مڈیانی لٹ ءُ پل کنگ ءِ ھواری ءَ سند ءِ گوستانکی مڈی چہ سند ءِ کورءَ پہ لشکری زور ءَ گوز کشگ ءُ کارپوریٹ پارمنگ کنگ ءِ نام ءَ سند ءِ ڈگارانی دستیگ کنگ ءُ مڈیاں لٹ ءُ پل کنگ ءِ ھواریءَ لٹ ءُ پلی پندلانی پارست ءَ سندی راج ءِ چکچینی ءَ کنگ ءِ پیسلہ کرتگ۔ ما پنجاپ زورگر ءِ اے وڑیں زوراکیاں ھچ وڑ ءَ نہ من ایں ءُ پنجاپ ءَ روگ ءَ نیل ایں۔ ریاست ءُ پنجاپی آبادکارانی سر ءَ ارشاں تیز کن ایں۔
سوڈو سندی ءَ گوشتگ کہ ایس آر اے وتی گھگیری جنگ ءَ داں سرجمیں سند ءِ آجوئی ءَ برجاہ دارگ ءِ کول ءَ کنت۔
