بلوچ یکجھتی کمیٹی ءَ ماں رسانکدر ءَ وتی شنگ کرتگیں درشانے ءَ گوشتگ کہ مئے کارکن گلزادی بلوچ کہ پرندوشی شپ ءِ ادار ھشت ءِ نزیک ءَ سی ٹی ڈی ءِ سروگان ءُ پولیس ءَ آوار جتگ ءُ داں بازیں اداراں بیگواہ کرتگ اَت ، دوازدہ ءِ نزیک ءَ آ ھدہ بندیگجاہ ءَ برگ ءَ پیش سی ٹی ڈی ءِ مردیں کارمندانی دست ءَ رستری آزار دیگ بیتگ۔
آئی گوشتگ کہ داں چار اداراں گیش گلزادی لٹ شاپ کرتگ ءُ زوراکی ءِ نشانگ کنگ بیتگ۔ یک جنکیں کارکنے ءِ گون ءَ اے رستری رویشت ریاست ءِ بلوچ ءِ پرایمنیں گھگیری ءِ بگیری ءَ برجاھیں ناشرکاری ءِ بھر انت۔ ما ریاست ءَ وتی کارکن ءِ سر ءَ بیوکیں زوراکی ءِ زمہ وار لیک ایں۔ ریاست ءِ اے ناشریں ھیلہ مئے زرمبشت ءَ داشت نہ کنت۔
