بلوچ یکجھتی کمیٹی ءِ سروک ءُ زور بیگواھیں ڈاکٹر دین جان ءِ جنک سمی دین ءَ چہ زندان ءَ یل بوگ ءَ پد پہ منتواری ءَ ماں چاگردی رسانکدر ایکس ءَ نبشتگ کہ من وتی بلوچ راج ءِ گوں دل ءِ جھلانکی ءَ منّت واراں کہ منی دزگیری ءَ پد آ گوں من ءُ گوں منی کھول ءَ تمند ءُ مھکمی ءَ اوشتوک بوتگ اَنت ۔پہ من کُلّیں راج ءِ مھلوک پیرین داں کسانین ،زالبول ءُ چُک چہ لوگاں دراتکگ اَنت . ائید ءِ وشیں روچ ءُ نوبتاں اے داب ءَ یکجا بوھگ ءُ درآھگ اے گپّ ءِ شون ءَ دنت کہ بلوچ گوں وتی راج ءَ ھمکوپگ ءُ تپاک اِنت ، بلے مئیگ ءُ شمئے جھد تنیگہ آسر نہ اِنت اے جھد داں ھما وھد ءَ برجاہ مان ایت ۔
آئی ءَ گوشتگ کہ تاں بی وائی سی ءِ کُلّیں رھشون ءُ ھمبراہ آجو نہ بنت، اے جھد ھمے داب دیم ءَ روان کنت ھمے داب مھکمی ءَ برجاہ بیت ءُ اے جھد ھرچ زوراکی ءِ بگیر ءَ مھکمیں توارے جوڑ بیت ۔ یکشمتی یکشل ءَ ءُ پہ مدامی ءَ یکمُشتی۔
