کراچی: گوستگیں روچ ءَ کراچی پریس کلب ءِ دیم ءَ پولیس ءِ دست ءَ دزگیر کنگ بیتگیں بلوچ یکجھتی کمیٹی ءِ سروک سمی دین ءُ لالا وھاب ءَ ھوار آدگه مردم مرچی آمیدگس ءَ پیش کنگ بیتگ اَنت.
اھوالکار ءِ رد ءَ سمی دین بلوچ ءُ لالا وھاب ءَ ھوار بی وائی سی ءِ ایمنیں زھرشانی ءَ دزگیر کنگ بیتگیں دگه سے مردم چه کراچی ءِ بندیگجاه ءَ جڈیشل مجسٹریٹ آمیدگس ءَ پیش کنگ بیتگ اَنت ، وکیلانی تران ءَ پد آمیدگس ءَ دزگیر کنگ بیتگیں مردمانی کیس رد کرتگ اَنت ءُ آیانی یل کنگ ءِ پرمان داتگ ، بلے چه ایشی ءَ اَبید کراچی پولیس ءَ آمیدگس ءِ دروازگ بستگ اَنت ءُ وتگڑیں کیسے ءِ بنیاد ءَ یکبرے پد ءَ سمی دین ءُ آدگه مردمانی دزگیر کنگ ءِ جھد ءَ کنگ اِنت.
انسانی ھکانی گل ، چاگردی ءُ سیاسی کارکناں کراچی پولیس ءِ اِے کار آمیدگس ءُ رھبندانی بگیری لیک اِتگ ءُ په سمی دین ، لالا وھاب ءُ آدگه دزگیر کنگ بیتگیں مردماں توار چست کنگ ءِ لوٹ کرتگ.
