بلوچ لبریشن آرمی ( بی ایل اے ) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانےءَ گوشتگ کہ بی ایل اے ءِ سرمچاراں بولان ءِ ھند ڈاڈر ، مشکاپ ءَ یک مھکمیں کاروائی یے ءَ ریلوے ٹریک گوں تراک ءَ تباہ کرتگءُ جاپر ایکسپریس داشتگ۔ سرمچاراں گوں تیزی ءَ ٹرین دستیگ کرتگ، درسیں مساپر دزگیر کرتگ اَنت۔
آئی ءَ گوشتگ کہ بی ایل اے گوں تچکی ءَ بیھار دنت کہ اگاں زورگریں لشکر ءِ نیمگ ءَ چونیں ھم لشکرکشی یے کنگ بوت گڑآ ایشی آسر ءَ ھراب بیتءُ درسیں سدانی کچ ءَ دزگیر کرتگیں مردم کشگ بنت ایشی زمہ وار زورگریں لشکر اِنت۔
جارکش ءَ گوشتگ اے آپریشن ءَ بی ایل اے مجید برگیڈ، ایس ٹی او ایس ءُ پتہ اسکواڈ ءِ ٹولی ءِ سرمچاراں ھواری ءَ کنگ ءَ اَنت۔چونیں ھم لشکری دزمانجی ءِ دروشم ءَ آئی پسو گوں ترندی ءَ دیگ بیت۔
جیھند بلوچ ءَ گوشتگ کہ جاپر ایکسپریس ءِ دستیگ کنگ ءَ داں انوں شش لشکری کارمند کشتگ ءُ سدانی کچ ءَ مساپردزگیر کنگ بیتگ اَنت۔ ایشی زمہ واری ءَ بی ایل اے من ایت۔
بی ایل اے ءِ جارکش جیھند ءَ وتی دومی درشان ءَ گوشتگ کہ بی ایل اے ءِ سرمچاراں مرچی بولان ءِ ھند ڈاڈر، مشکاپ ءَ یک مھکمیں کاروائی یے ءِ میان ءَ جاپر ایکپریس چہ پٹری کش اتگ ءُ دستیگ کرتگ۔ پہ گھگیری ءَ کنگ ءَ شش لشکری کارمند کشتگ ءُ سد ا ءَ گیش مساپر بی ایل اے ءَ دستیگ کرتگ۔
آئیءَ گوشتگ کہ دزگیر کرتگیں مردمانی تہ ءَ پاکستانی لشکر، پولیس، اے ٹی ایپ، آئی ایس آئی ءِ کارمند ھوار اَنت کہ اے موکلاں روگ ءَ بیتگ اَنت۔ بی ایل اے گوں تچکی ءَ کڈن کنت کہ اگاں زورگریں لشکر ءِ نیمگ ءَ چونیں ھم کاروائی یے کنگ بوت درسیں دزگیر کرتگیں مردم کشگ بنت۔
جارکش ءَ گوشتگ کہ اے آپریشن ءِ میان ءَ بی ایل اے ءِ سرمچاراں جنین، زھگ ءُ بلوچ مساپر یل داتگ اَنت۔ آدگہ درسیں داشتگیں مردم زورگریں لشکر ءِ کارمند اِنت۔
جیھند ءَ گوشتگ کہ اےکاروائی ءِ سروکی ءَ بی ایل اے ءِ پدائی یونٹ مجید برگیڈ کنگ ءَ اِنت، پتہ اسکواڈ، ایس ٹی او ایس ءُ زراب ءَ آئی سرجم ءَ کمک گون اِنت۔
