بلوچستان لبریشن پرنٹ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ ھشت مارچ 2025 ءِ روچ ءَ بی ایل ایپ ءِ سرمچاراں ھزدار ءِ ھند اورناچ شھر داں باز داراں انگر کرتگ۔ ھمے میان ءَ پولیس ءُ لیویز تانہ دستیگ کرتگ اَنت ءُ آیانی سلاہ پل اتگ اَنت رند ءَ دوئیں پولیس ءُ لیویز تانہ مانداشتگ اَنت۔ سرمچارں پولیس ءُ لیویز ءِ سے گاڑی ھم مانداشتگ۔ ھمے کاروائی ءِ میان ءَ سرمچاراں گوں گھتریں کارشونی ءَ پولیس ءُ لیویز کارمند پھریز اتگ اَنت ءُ آیاں گھگیری کنگ ءِ موہ نہ داتگ۔
آئی ءَ گوشتگ کہ بلوچ شھیدانی واھشت بلوچستان ءِ آجوئی زرمبشت ءِ پلہ مرزی ءَ لس مردماں گوں ھمدردی ءُ پلہ مرزی ءَ ھمے پیش داشتگ کہ بلوچ راج آجوئی ءِ اے جنگ ءَ گوں وتی سرمچاراں اوشتاتگ ۔
جارکش ءَ گوشتگ کہ بی ایل ایپ اورناچ ءِ ارش ءَ پولیس ءُ لیویز ءِ تانھانی درسیں لشکری جنگی سامانانی دستیگ کنگ ءُ دوئیں تانہ ءُ آیانی گاڑیانی ماندارگ ءِ زمہ واری من ایت ءُ رسانکدر ءِ پارست ءَ گوں وتی سرجمیں بلوچستان ءِ راج ءَ لوٹ کنت کہ سرمچارانی نیمگ ءَ دگانی بندگ ءُ انگرانی میان ءَ پہ وتی ءُ سرمچارانی پھریزگ ءَ سرمچارانی گون ءَ شریں وڑے ءَ کمک بہ کن اِت۔
میجر گھرام ءَ وتی درشان ءِ گڈی ءَ گوشتگ کہ داں بلوچستان ءِ آجوئی ءَ زورگریں پاکستانی لشکر ءُ لٹ ءُ پلی شوربندیانی بگیری ءَ اُرشاں ءَ برجاہ دار ایں۔
