دشت: اسلام آباد پریس کلب ءِ دیم ءَ برجاھیں زھرشانی نندانک ءِ پلہ مرزی ءَ کلدان سُنٹسر ءَ زھرشانی روانکے کشگ بوتگ۔ زھرشانی ءَ نودربر، جنین ءُ زھگاں بازیں کچے ءَ بھر زرتگ۔
زھرشانی کنوکیں مردماں گوادر دو بیست ءُ پنجاہ ( 250 ) ءِ شھدگ بند کرتگ ءُ نشتگ اَنت۔ دگ ءِ بند بوگ ءِ سوب ءَ دوئیں نیمگاں بازیں کچے ءَ گاڑی اوشتوک بوتگ اَنت۔
زھرشانی کنوکیں مردماں پلے کارڈ دستاں بوتگ اَنت کہ آیانی سر ءَ جتائیں اوگام نبشتہ بوتگ۔ زھرشانی کنوکیں مردماں بلوچ چکچینی ءُ پاکستانی لشکر ءِ زوراکیانی بگیری ءَ اوگام جتگ۔
زھرشانی کنوکیں مردماں گوں سرکار ءَ لوٹ کرتگ ءُ گوشتگ کہ اسلام آباد ءَ برجاھیں زھرشانی نندانک ءِ لوٹ منگ بہ بنت ءُ زوریں بیگواھی ءُ دروگیں میڑاں زور بیگواھیں مردمانی ناھکیں کوش بند کنگ بہ بنت۔
