سندھودیش روولیوشنری آرمی(ايس آر اے) ءِ جارکش سوڈو سندی ءَ ماں رسانکدر ءَ وتی شنگ کرتگیں درشانے ءَ گوشتگ کہ انشپی سجاول ۔ میر پور بٹورو دگ ءَ پاکستانی لشکر ءِ ادارہ این ایل سی ءِ دو گاڑیانی سر ءَ تیرگواری کرتگ، چہ ایشی ءَ ڈرائیور سکا ٹپی بیتگ ءُ گاڑی تاوان بیتگ اَنت۔
آئی ءَ گوشتگ کہ پاکستان ریاست ءَ سند سرڈگار دستیگ کرتگ ءُ مئے ڈگار ءُ مڈیاں لٹ ءُ پل کنگ ءَ اِنت۔ ما تچک ءَ گوش ایں کہ سند ءِ درسیں مڈی سندی راج ءِ آھوکیں پدریچ ءِامانت اِنت ءُ ایشی ھر پیم ءَ پھازداری ءُ دیمپانی ءَ کنت۔
سوڈوسندی ءَ وتی درشان ءَِ گڈی ءَ گوشتگ کہ ایس آر اے داں سند ءِ سرجم ءَ آجوئی ءَ وتی گھگیری جنگءِ برجاہ دارگ ءِ کول ءَ کنت۔
