بلوچستان لبریشن پرنٹ پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ 28 پروری ءَ بی ایل ایپ ءِ سرمچاراں نیمروچ ءِ ادار دو ءَ کیچ ءِ بنجاھی شھر تربت ءِ ھند میری ءَ برجاھیں پاکستانی لشکر ءِ چوکی ءِ سر ءَ اولی ءَ گرنیڈ لانچر ءِ لھتیں گولا آس داتگ ءُ ایشی ءَ پد گوں ٹوھیں سلاھاں اُرش کرتگ۔
آئی گوشتگ کہ سرمچارانی اے اُرش ءَ دژمنیں لشکر ءِ دو کارمند ٹپی بوتگ ءُ چوکی تاوان بوتگ۔ اُرش ءَ پد زورگریں لشکر ءِ کارمنداں داں دیر ءَ آبادیانی سر ءَ تیرگواری کرتگ۔
جارکش ءَ گوشتگ کہ یک دگہ کاروائی یے ءَ مرچی نیمروچ ءِ ادار دوازدہ ءَ بی ایل ایپ ءِ سرمچاراں ھاران کُلّان ءَ دگ جوڑ کنوکیں شرکت بنجل ءِ سر ءَ اُرش کرتگ ءُ یک ٹکٹرے ءَ ھوار مشین ءُ سامان مانداشتگ اَنت۔ اود ءَ ساڑی ایں کارکنوکیں دری مردم کڈن کرتگ ءُ یل داتگ اَنت
جارکش ءَ دوئیں اُرشانی زمہ واری من اِتگ ءُ گوشتگ کہ داں آزاد بلوچستان ءِ آجوئی ءَ پاکستانی لشکر ءُ آئی شوربندیانی سر ءَ مئے اُرش برجاہ بنت۔
