مستونگ ؛ زور بیگواھیں زھور اھمدءِ کھول ءِ نیمگ ءَ دو جاہ ءَزھرشانی نندانک برجاہ اِنت۔ چہ دگ ءِ بند بوگ ءِ سوب ءَ دوئیں نیمگاں گاڑیانی مزنیں کتار اوشتوک بوتگ اَنت۔ کھولءَ مرچی پہ زھرشانی ءِ گیش کنگءَ تپتان شھدگ لکپاس ءَبند کرتگ۔
کھول ءِگوشگ اِنت کہ پاکستانی لشکری ادارہ پہ زھور سمالانی ءُسیدگل ءِآجوئی ءَ گامگیج زورگ ءَ نہ اَنت پہ گپ ءُ تران ءَ اتکگیں مردم وتی نادرسی ءَ پیش دارگ ءَ اَنتءُ ھمے گوش اَنت کہ ما نادزرس ایں مارا وس نیست۔
آئی ءَ گوشتگ کہ ما سرکار ءَ گوش ایں کہ اے وڑیں نادز رسیں مردماں پہ گپ ءُ تران ءَ دیم مہ دے اِت۔ دانکہ زھور سمالانی سید گل سید کلانی آجو نہ بوتگ اَنت ما وتی زھرشانی ءَ برجاہ دار ایں۔
