کیچ: تمپ کوھاڑ ءَ پاکستانی لشکر ءِ جوڑ کرتگیں کشندہ ٹولی ءِ کارمندانی دست ءَ کشگ بوتگیں کریم داد ءِ کھول گوں آئی لاش ءِ ھواری ءَ ڈی بلوچ ءَ زھرشانی ءَ نشتگ۔ کھولءَ ھوار آدگہ مردماں بازیں کچے ءَ بھر زرتگ۔
شھید کریم داد ءِ کھول ءِ گوشگ اِنت کہ مئے دو زھگ بے میار ءَ شھید کنگ بیتگ اَنت۔ انگت ءَ چہ سرکار ءِ نیمگ ءَ پہ زھگانی کشندھانی دزگیر کنگ ءَ ھچ وڑیں گامگیج زورگ نہ بیتگ۔دانکہ مئے زھگانی کشندہ دزگیر کنگ ءُ مئے گون ءَ انساپ کنگ نہ بیت ما وتی زھرشانی ءَ برجاہ دار ایں۔
کھول ءَ گوں کِر ءُ کشانی مردماں لوٹ کرتگ کہ بیا اَنت ءُ مئے زھرشانی نندانک ءَ بھر بزور اَنتءُ مئے کمک ءَ بہ کن اِت۔
