شال: پہ زور بیگواھیں مردمانی پدجنگ ءَ وی بی ایم پی ءِ شدکشیں زھرشانی گدان ءَ 5733 روچ سرجم بیتگ۔ دوشمبے ءِروچ ءَ بلوچستان نیشنل پارٹی ( بی این پی ) ءِ بنجاھی کونسلر گلام رسول مینگل، منزور اھمد بلوچ ءُ آدگہ جنین پہ ھمدردری درشان کنگ ءَ گدان ءَ اتکگ اَنت۔
وی بی ایم پی ءِ کمک سرکماش ماما کدیر گوں مردماں تراں کرتگ ءُ ریاستی شوندات شرگداری کرتگ ءُ گوشتگ کہ بلوچستان ءِ ھمک شھر ءُ میتگاں زور بیگواھیں مردمانی کھول زھرشانی کنگ ءَ اَنت۔ بلوچستان ءِ مردم پہ وتی بنیادی ھکاں نہ بلکیں پہ وتی آزیزانی آجوئی ءَ زھرشانی کنگ ءَ اَنت۔
آئی ءَ گوشتگ کہ زوریں بیگواھی ءِ درچ چہ 2002 ءَ بندات بوتگ داں مرچی گون ترندی ءَ برجاہ اِنت۔ ماھانی میان ءَ ھزارانی کچ ءَ بلوچانی زوریں بیگواھی ءُ ژانگولیں لاشانی کپگ برجاہ اِنت۔ زوریں بیگواھیانی بگیری ءَ بلوچ راج ءَ ھمک جاہ ءَ توار چست کنگ لوٹ ایت۔
