آواران: چہ مشکے ءِ جتاھیں جاھاں پاکستانی لشکر ءُ کشندہ ٹولی ءِ کارمنداں پنچ مردم آوار جتگ ءُ بیگواہ کرتگ۔
بنشون ءِ رد ءَ مشکے ءِ میتگ کندڑی ءَ پاکستانی لشکر ءَ نزر ءُ گل مھمد ء جان مھمد ءُ شیر ھان ء ھسین پہ پیش ءَ لوٹائینتگ ءُ بیگواہ کرتگ اَنت۔
ھمے وڑ ءَ پانزہ روچ پیش کشندہ ٹولی ءِ کارمنداں مشکے لاکی ءَ الی مھمد ء ھکیم چہ گِس ءَ آوار جنگ ءَ پد بیگواہ کرتگ۔
زوربیگواہ کرتگیں الی مھمد ءِ برات جما پیسر ءَ پاکستانی لشکر ءُ کشندہ ٹولی ءِ کارمنداں شھید کرتگ اَت۔
ھمے وڑ ءَ گوستگیں روچ ءَ پاکستانی لشکر ءَ مھمد اُمر نامیں کماشے ھما وھد ءَ آوار جتگ ءُ بیگواہ کرتگ کہ آ وتی پسانی چارینگ ءَ بوتگ۔ بیگواھیں مھمد امر گورکائی ءِ جاہ منند اِنت۔
