تربت: دوشی چہ پنجگور ءَ پاکستانی لشکر ءِ دست ءَ کشگ بیتگیں زوربیگواھیں ورنا ھیات سبزل ءِ لاش چه تربت ءَ شھید پدا چاراه ءَ بی وائی سی ءِ نیمگ ءَ برجاھیں زھرشانی گدان ءَ آرگ بیتگ.
ھیات سبزل ءِ کوش ءِ بگیری ءَ چه کھول ءِ نیمگ ءَ زھرشانی بندات بیتگ ءُ کھول ءَ گوں بلوچ راج ءَ دزبندی کرتگ که زھرشانی ءَ بھر به زیر اَنت.
چوش که ھیات سبزل 3 جولائی 2024 ءِ شپ ءِ شش ءَ چه تربت، میری کلگ ءَ چیریں ادارھانی کارمنداں آوار جتگ ءُ بیگواه کرتگ ات. آئی ءِ زوریں بیگواھی ءِ بگیری ءَ کھول ءَ پریس کانپرس کرتگ ءُ زھرشانی ءَ نشتگ اَنت۔
