آواران: مالار ءَ زورگریں پاکستانی لشکر ءَ دو جاہ ءَ بیڑ برتگ ءُ دو مردم آوار جنگ ءَ پد بیگواہ کرتگ۔
اھوالکار ءِ رد ءَ زوربیگواھیں مردمانی نام زریپ ءِ گمشاد ءُ شاھد ء ھاجی سپر اِنت۔ بیگواھیں زریپ چیری مالار کرک ءِ ڈل ءِ جاہ منند اِنت کہ دوشی اَدار سے ءَ پاکستانی لشکر ءَ چہ گس ءَ آوار جتگ۔ زور بیگواھیں شاھد چیری مالار دمب ءِ جاہ منند اِنت کہ دوشی چہ گس ءَ آوار جنگ بیتگ۔
زور بیگواھیں زریپ ءِ بابت ءَ گوشگ بوگ ءَ اِنت که شش ماہ پیش ھم پاکستانی لشکر ءَ آوار جتگ ءُ دو ماہ زوربیگواھی ءَ پد یل داتگ۔ دوشی پد ءَ آوار جنگ بیتگ۔
