تصویر
بلوچستان لبریشن پرنٹ ءِ جارکش میجر گھرام بلوچ ماں رسانکدر وتی شنگ کرتگیں درشانے ءَ گوشتگ کہ مئے سرمچاراں گوستگیں شپ ءِ نو ءَ کیچ ءِ ھند گورکوپ، نیامی کلگ ءِ سرودی ءَ زورگریں پاکستانی لشکر ءِ بنجل ءِ سر ءَ گوں نوکین ءُ مزنیں سلاھاں اُرش کرتگ کہ چہ ایشی ءَ یک کارمند مرتگ ءُ دو ٹپی بیتگ۔ اُرش ءِ آسر ءَ پاکستان لشکر مالی تاوان بیتگ۔
آئی ءَ گوشتگ کہ اُرش ءَ پد زورگریں لشکر ءَ چہ وتی مدامی وڑ ءَ لس آبادیانی سر ءَ بازیں کچے ءَ مارٹر جتگ ءُ داں دیر ءَ تیرگواری کرتگ بلے سرمچار سوبمندیں کارشونی ءِ بنیاد ءَ وتی مھکمیں بندر ءَ سر بیتگ اَنت۔
میجر گھرام ءَ اُرش ءِ زمہ واری من اِتگ ءُ گوشتگ کہ داں بلوچستان ءِ آجوئی ءُ زورگریں لشکر ءِ درآھگ ءَ مئے اُرش برجاہ بنت۔
