بلوچ لبریشن آرمی ءِ جارکش آزاد بلوچ ءَ ماں رسانکدر ءَ وتی شنگ کرتگیں درشانے ءَ گوشتگ مئے سرمچاراں 4 پروری ءَ دیگر ءِ وھد ءَ شال ءِ ھند جیل دگ ءَ تیرگواری کرتگ ءُ بندیگجاه ءِ اسسٹنٹ سپرنٹندنٹ کاسم رئیسانی کشتگ.
جارکش ءَ گوشتگ که کاسم رئیسانی کشنده ٹولی ءِ سروک جمال رئیسانی، پرید رئیسانی ءُ آ دگرانی نزیکیں مردمے بیتگ. چه ایشی ءَ اَبید آ چیریں ادراھانی پرمان ءَ دراجکشیں وھدے ءَ شال، مستونگ، کانک ءُ کش ءُ کراں بلوچ ءِ چکچینی ءِ ھواری ءَ زوریں بیگواھیاں، باج گیری، دزی ءُ بازیں کاراں تچک ءَ ھوار بیتگ.
آئی گوشتگ که بی ایل اے چه اے اُرش ءَ تچک ءَ گوشگ لوٹ ایت که ھر چاریگ، کارمند ءُ کمکار گڈی آسر ءَ سر کنگ بنت.
