بی این ایم مشکے آواران ھنکین ءِ نیاد : مرچی بلوچ ءِ ھمک زھگ شھید منان جان ءُ آئی ھمبلانی سر ءَ پھر بند ایت

{"remix_data”:[],”remix_entry_point”:”challenges”,”source_tags”:["local”],”origin”:”unknown”,”total_draw_time”:0,”total_draw_actions”:0,”layers_used”:0,”brushes_used”:0,”photos_added”:0,”total_editor_actions”:{},”tools_used”:{"square_fit”:1},”is_sticker”:false,”edited_since_last_sticker_save”:true,”containsFTESticker”:false}

مستونگ ءِ ھند کلی دتو ءِ شھید انی سالروچ ءَ بی این ایم مشکے آواران ھنکین ءِ نیمگ ءَ مراگشے برجم دارگ بیتگ۔دیوان ءِ جارچینی زمہ واری مشکے ھنکینءِ کلیتدار میرک بلوچ ءَ گوں بیتگ، دیوان ءَ بی این ایم ءِ بنجاھی مستریں کمک کارگشادکمال بلوچ، بنجاھی گھبودی کارگشاد مھمد اکبال بلوچ، مشکے ھنکینءِ پیشیگیں کارمستر رپیک بلوچ ءُ بی این ایم ءِ باسک  کامریڈیوسپ بلوچ ءَ تران کرتگ۔

کمال بلوچ ءَ تران کرتگ ءُ  گئےشتگ کہ شھید مئے گپ ءُ ستاھانی مھتاج نہ اَنت آیاں وتی راجی پرز پیلو کرتگ نوں مئے ءُ شمئے زمہ واری بیت کہ ما آیانی پگر ءُ لیکہ ءَ دیم ءَ بر این ءُ وتی راجی راجی زمہ واریاں چوں پیلو  بہ کن ایں۔ اگاں مرچی بلوچ ءِ توار جھان ءِ کنڈ کنڈ ءَ سر بوتگ گڑا ھمے شھیدانی دیمونیانی برورد اِنت۔ ھمے شھیدانی داتگیں دیمونی اَنت کہ سرجمیں بلوچستانءِ مردم پاد آھتگ ءُ پہ وتی ھکاں توار چست کنگ ءَ اَنت۔

کمال بلوچ ءَ گوشتگ کہ نوں مئے ءُ شمئے زمہ وای بیت ما وتی چاگرد ءِ تہ ءَ یک انچیں کردے پیلو بہ کن ایں کہ چہ آئی ءَ مردم در بہ بارت گڑا من ھمے سرپد باں کہ ما وتی راجی پرز پیلو کرتگ۔ مارا اے گپ زانگ لوٹ ایت کہ جھان ءِ تہ ءَ چونیں ھم بدلی یے کیت آئی سان مئے سر ءَ کپ اَنت گڑا مارا پہ اے گپ ءَ ساری ءَ جاڑیگ بوگ لوٹ ایت کہ ما وت ءَ گوں جھان ءَ چون ھمگرنچ بہ کن ایں۔

مھمد اکبال بلوچ ءَ تران کرتگ ءُ گوشتگ کہ شھید منان  جان یک بے مٹیں انسانءُ زانتکارے بیتگ آئی ءَ پہ بلوچ راجی آجوئی ءَ بلوچستانءِ ھمک ھند ءُ دمگ ءَ وت ءَ سر کرتگ ءُمردمان ءَ پہ آجوئی جنز ءَ بھر زورگ ءِ سکین داتگ ۔  مرچی بلوچ ءِ ھمک زھگ شھید منان جان ءُ آئی ھمبلانی سر ءَ پھر بند ایت۔

آئی ءَ گوشتگ کہ منان جان ءَ زانتگ دژمن منی رندگیری ءَ کنگ ءَ اِنت بلے پہ پارٹی ءِ  کار ءُ پروگرامءِ دیم ءَبرگ ءَ آئی ءِ تہ ءَ ھچ وڑیں ترس نہ بوتگ۔ھمے میان ءَ پارٹی ءِ بازیں سنگت شھید بوتگ اَنت بلے شھید ڈاکٹر منان جان ءَ وتی کار یکشل ءَ برجاہ داشتگ اَنت ءُ بلوچ پسگان ءَ جھد  کنگءِ سکین داتگ۔

بی این ایم ءِ باسک کامریڈ یوسپ ءَ گوشتگ کہ شھید منان جان جھد ءِ چیدگ اِنت ءُ مھکمیں راجی راھشونے بیتگ مرچی  ھمے وڑیں راھشونانی  جھد ءِ برورد ءَ جھد اے جاہ ءَ سر بوتگ۔ مرچی شھیداں وتی راجی پرز پیلو کرتگ نوں مارا آیانی پگر دیم ءَ برگی اِنت۔

بی این ایم مشکے ھنکین ءِ پیشیگیں کارمستر رپیک بلوچ ءَ تران کرتگ ءُ گوشتگ کہ مرچی بلوچ راجی جنز انچو مھکم اِنت ایشی ءِ تہ ءَ شھید ڈاکٹر منا جان ءِ مزنیں کردے بیتگ۔ چہ آیاں پد اے زمہ واری مئے گوپگاں اِنت ما گوں مھکمی ءَ وتی جھد ءَ برجاہ بدار ایں گڑا الم منزل ءَ سر بہ ایں۔

شونکار

شونکار

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Next Post

کیچ ، پنجگور ءُ شال ءَ پاکستانی لشکر ءَ ھپت مردم آوار جتگ

بدھ فروری 5 , 2025
کیچ/ پنجگور/ شال: زورگریں پاکستانی لشکر ءَ بیڑ برتگ ءُ ھپت مردم آوار جنگ ءَ پد بیگواه کرتگ. دوشی زورگریں پاکستانی لشکر ءَ تربت ءِ ھند بھمن ءَ گسے ءَ بیڑ برتگ ءُ پنچ مردم نومان رپیک، راھیل الی، روشن الی، آدم گلام جان ءُ نسیم بشیر آوار جتگ ءُ […]

دلگوش گْوری

زْرمبش بلوچی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔

آسان دزرس