بلوچستان لبریشن پرنٹ (بی ایل ایپ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءُ ھاران ءَ دو جتاھیں اُرشاں دگ جوڑ کنوکیں شرکت (ایپ ڈبلیو او) ءِ سر ءَ اُرش کرتگ ءُ جانی ءُ مالی تاوان داتگ۔
آئی گوشتگ کہ سَے پروری ءِ روچ ءَ ادار یک ءَ سرمچاراں ھوشاپ ءِ ھند پرکوٹگ ءَ سی پیک شھدگ ءَ کار کنوکیں شرکت (ایپ ڈبلیو او) ءِ چار کارمند نشانگ کرتگ۔ چہ آیاں یک کارمندے مرتگ ءُ سَے ٹپی بوتگ۔
جارکش ءَ گوشتگ کہ یک دگہ اُرشے ءَ سرمچاراں سَے پروری ءِ مگرب ءَ ادار ھپت ءَ ھاران ءِ ھند سرگردان ءِ نزیک ءَ سی پیک دگ ءَ کار کنوکیں شرکت ءِ سر ءَ اُرش کرتگ ءُ درسیں مشین ءُ سامان مانداشتگ اَنت۔
میجر گھرام ءَ اُرشانی زمہ واری منّ اتگ ءُ گوشتگ کہ مئے اُرش داں سرڈگار ءِ آجوئی ءَ زورگریں پاکستانی لشکر ءُ آئی ءِ زورگری شونداتانی سر ءَ برجاہ بنت۔
