کیچ: بلیدہ ءَ سرکاری واکداراں دوسد تیل کشیں گاڑیانی واھندانی نام چہ ٹوکن لڑ ءَ در کُرتگ، اے بابت ءَ مرچی گاڑیانی واھند ابدوئی سیمسر ءَ زھرشانی کنگ ءَ اَنت۔
زھرشانی کنوکیں مردمانی گوشگ اِنت کہ دمگی واکداراں لڑ ءَ ھواریں دو سد ءَ گیش نام کش اِتگ ءُ آیانی جاہ ءَ انچیں مردمانی نام ھوار کرتگ اَنت کہ آ اے سیمسر ءَ باپاری کنگ ءَ نہ اَنت۔
آیانی گوشگ اِنت کہ اے مردماں سے ماہ بیت سیمسر ءَ نہ شتگ اَنت ءُ ھمے سوب ءَ لنگڑ اَنت ءُ باز جنجالانی دیمپان اَنت۔
آیانی گوشگ اِنت دانکہ اے مردمانی نام پد ءَ لڑ ءَ ھوار کنگ مہ بنت ما وتی زھرشانی ءَ برجاہ دار ایں۔
