بلوچ لبریشن آرمی ءِ جارکش جیئند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ تربت ءُ کلات ءَ دو جتائیں اُرشاں پاکستانی لشکر ءِ چریک ءُ مادن بروکیں گاڑی نشانگ کرتگ اَنت۔
آئی ءَ گوشتگ کہ مئے سرمچاراں 27 جنوری ءَ تُربَت ، کلاتک ءَ زورگریں پاکستانی لشکر ءُ چیریں ادارھانی جوڑ کرتگیں کشندہ ٹولی ءِ کارمند گلام جان ء مھمد ھسا جھمنند ھپتو ڈگاری کھن تیرگواری کرتگ ءُ کشتگ۔
جارکش ءَ گوشتگ کہ گلام جان ءَ دیر اِنت کہ گوں کشندہ ٹولی ءَ بندوک بیتگ ءُ اِے ھنداں گسانی سر ءَ بیڑ برگ ءُ مردمانی زوربیگواہ کنگ ءَ تچک ءَ پاکستانی لشکر ءِ کمک بیتگ۔ ھمے ھند ءَ آئی ءَ سلاہ بندیں ٹولی ءِ ھمرائی ءَ دگ بستگ ، دُزی ءُ منشیات ءِ کار ءُ بار ءَ ھم ھوار بیتگ۔
آئی ءَ گوشتگ کہ گلام جان راجی میاربارے ءِ بنیاد ءَ سرمچاراں نشانگ کرتگ ءُ آئی ءِ پرپٹ ءُ سامان برتگ اَنت۔
جارکش ءَ گوشتگ کہ مئے سرمچاراں سے شمبے ءِ شپ ءَ کلات ءِ ھند منگچر ، رنگی دوراھی ءَ بلوچ ءِ راجی مڈیانی لٹ ءُ پل ءَ ھواریں گاڑی نشانگ کرتگ اَنت۔ سرمچاراں مادن بروکیں سے گاڑی نشانگ کرتگ ءُ تاوان داتگ اَنت۔
