بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ آواران ءِ ھند کولواہ ءَ پاکستانی لشکر ءِ کاروان ءِ سر ءَ اُرش کرتگ ءُ جانی ءُ مالی تاوان داتگ۔
آئی گوشتگ کہ 27 جنوری ءِ سھب ءِ ادار یازدہ ءُ نیم ءَ سرمچاراں آواران ھند کولواہ رودکان ءَ سنگر گپتگ ءُ پاکستانی لشکر ءِشش گاڑیانی کاروان گوں نوکیں سلاھاں نشانگ کرتگ۔ چہ ایشی ءَ پاکستانی لشکر ءَ جانی ءُ مالی تاوان بوتگ۔
آئی گوشتگ کہ اے کاروان پہ لشکر کشی ءَ دمگ ءَ روگ ءَ بوتگ کہ سرمچاراں پیسر ءَ سنگر گپتگ ءُ نشانگ کرتگ۔ اُرش ءَ پاکستانی لشکر ءِ گاڑیاں کمیں تاوان بوتگ۔
میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچستان ءِ آجوئی ءَ پاکستانی لشکر ءِ سر ءَ مئے اُرش برجاہ بنت۔
