شال: پہ زور بیگواھیں مردمانی پد جنگ ءَ وی بی ایم پیءِ زھرشانی گدان ءَ 5704 روچ سرجم بیتگ۔ یک شمبے ءِ روچ ءَ چہ بیسیمگ ءَ سیاسی ءُ چاگردی کارکن ابدُلھکیم سیاہ پاد، نور اھمد، ھالکداد ءُ آدگہ مردم پہ ھمدردری درشان کنگ ءَ گدان ءَاتکگ اَنت۔
وی بی ایم پی ءِ کمک سرکماش ماما کدیر گوں مردماں تران کرتگ ءُ گوشتگ کہ بلوچستان ءَ سیاسی آجوئی پلگ بیتگ ءُ اد ءَ وتگڑیں سرکار برجاہ دارگ بیتگ کہ اے بلوچستان ءَ مردمی ھکانی لگمالی ءِ بابت ءَ بے توار اِنت۔
آئی ءَ گوشتگ کہ پہ زورانسری بلوچستان ءَ کالونی یے جوڑ مہ کن اِت۔ زوراکی چنچو گیش کنگ بہ بیت گڑا گھگیری ھمنچو گیش بوان کنت ءُ مردمی ھک لگتمال کنگ بنت۔
