بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کُرتگیں درشانے ءَ گْوشتگ کہ سرمچاراں دوشی شپ ءِ دوازدہ ءَ کیچ ءِ ھند دشت ءِ شے زنگی ءَ زورگریں پاکستانی لشکر ءِ کاروان ءَ ھواریں یک گاڑی یے گوں چیر کُرتگیں شورھاں نشانگ کُرتگ۔اُرش ءَ لشکر ءِ یک گاڑی یے سرجم ءَ تباہ بیتگ ءُ گاڑی ءَ سواریں یک سروگانے ءَ ھوار ھپت کارمند مُرتگ۔
آئی ءَ گْوشتگ کہ لشکر ءِ اے کاروان ءِ یازدہ گاڑی بیتگ اَنت کہ چیزے روچ بیت کہ دشت ءِ جتائیں جاھاں لشکرکشی ءُ زوراکی کنگ ءَ پد واتر چہ بلنگور ءِ بنجل ءَ دیم پہ تربت ءَ روگ ءَ بیتگ۔اُرش ءِ تُرس ءَ کاروان ءِ دُرسیں گاڑیاں وتی لیٹ کُشتگ اَنت بلے گل ءِ انٹیلینجس ءِ دلجمیں ھال دیگ ءَ پد سرمچاراں زورگریں لشکر ءِ کاروان بمب اُرشے ءَ نشانگ کُرتگ۔
میجر گھرام ءَ وتی درشان ءِ گُڈی ءَ اُرش ءِ زمہ واری منّ اِتگ ءُ گْوشتگ کہ داں بلوچستان ءِ آجوئی ءَ زورگریں لشکر ءِ سر ءَ مئے اُرش برجاہ بنت۔
