ھزدار: چہ زھری ءَ پاکستانی لشکر ءِ دست ءَ زوربیگواہ کرتگیں مردمانی کھولانی نیمگ ءَ چار روچ اِنت کہ زھرشانی برجاہ اِنت۔
زوربیگواھیں مردمانی کھولاں گوشتگ کہ مئے ھمے چاریں مردم آمیدگس ءَ پیش کنگ بوتگ اَنت زوت آجو کنگ بہ بنت ءُ آدگہ زوربیگواھیں چاریں مردم آمیدگس ءَ پیش کنگ بہ بنت دانکہ ما آیانی سلامتی ءِ بابت ءَ سرپد بہ بہ ایں۔
آیاں گوشتگ کہ مرچی داں نیمروچ ءَ اگاں مئے لوٹ منّگ نہ بوت اَنت ءُ گڑا ما وتی زھرشانی ءَ گیش کن ایں ءُ شھدگ ءَ بند کن ایں۔
آیاں گوشتگ کہ مئے زھرشانی پہ وتی آزیزانی آجوئی ءَ اِنت۔ داں کہ مئے لوٹ منّگ نہ بوتگ اَنت ما ھچ وڑ ءَ پُشت ءَ نہ کنزیں۔
