اسرائیل کے اقوام متحدہ میں مندوب گیلاد ایرڈان نے اپنے حالیہ ایک انٹرویو میں کہا ہے کہ اقوام متحدہ میں روس کے سفیر واسیلی نیبنزیا کی طرف سے انسانی حقوق اور بین الاقوامی قانون کے بارے میں اسرائیل کے خلاف جو بیانات ہیں وہ مضحکہ خیز ہیں۔
اسرائیلی مندوب نے روس کو مخاطب کرتے ہوئے کہا کہ “اسرائیل میں، ہم اپنی بقا کی جنگ لڑ رہے ہیں… اگر آپ کے ملک نے بھی ایسا ہی قتل عام برداشت کیا تو مجھے یقین ہے کہ آپ اسرائیل سے کہیں زیادہ طاقت کے ساتھ جواب دیں گے۔
اسرائیلی مندوب نے کہا کہ آپ کے ذہن میں کوئی سوال نہیں ہوگا کہ اس طرح کے وحشیانہ قتل عام کے لیے دہشت گردوں کے خلاف وسیع فوجی آپریشن کی ضرورت ہے یا نہیں؟ جنہوں نے اس طرح کے غیر انسانی مظالم کا ارتکاب کیا ہے۔ ان کا کہنا تھا کہ ہم نے جو کیا درست کیا اور ہمیں حق حاصل ہے کہ ہم اپنا دفاع کریں۔
