بلوچ لبریشن آرمی نا جارکش جیئند بلوچ پارے کہ بی ایل اے نا سرمچار آک نوشکی ، تربت و بلیدہ ٹی مسہ جتاؤ جلہو تیٹی پاکستانی لشکرے نشانہ کریر، ہراٹی اسہ کارندہ ئس خلنگا و چار ٹپی مس۔
جارکش پارے کہ بلوچ لبریشن آرمی نا سرمچار آک اِستو چھار بجہ نا وخت آ نوشکی نا ہند بلغانی ، کیشنگی ٹی پاکستانی لشکر نا پوسٹ آ ساڈی کارندہ تے اسنائپر و ایلو سلاہ تیٹ ٹک کریر ، جلہو نا سوب آن پوسٹ ئٹی ساڈی اسہ کارندہ ئس ہمو جاگہ غا کسھک و اِرٹ ٹپی مس ۔
او مسُتی پارے کہ اسہ پین جلہو سیٹی سرمچار آک تربت آپسر بلوچی بازار نا ہند آ قوضہ گیر پاکستانی لشکر نا پوسٹ آ گرنیڈ لانچر ئٹ کیہی گولہ خلکُر، ہرانا سوب آن دشمنے جانی و مالی نسخان مس ۔
او پارے کہ بی ایل اے نا سرمچار آک 24 ستمبر 2023 نا شام بلیدہ ٹی قوضہ گیر پاکستانی لشکر نا اسہ چوکی سے دست بمب ئٹ جلہو کریر ، دست بمب چوکی نا تہٹی ترخہ ہراٹی اِرا کارندہ بھاز ٹپی مس ۔
جیئند بلوچ پارے کہ بلوچ لبریشن آرمی دا جلہو تہ ذمہ واری ئے ہرفک ۔ آجو وطن نا ہلنگ اسکان ننا جلہو آک برجاء مرور ۔
