نبشتہ کار: سباہ بلوچ

گِند ئے￷ آزاتیں مُلک ءُ راجانی دیمروی گوں وانگ ءُ زانگ ءَ بندوک اَنت۔ مرچاں دُنیا ءِ تہ ءَ تھنا ھما مُلک ءُ راجاں زِند ءِ ھمُک پڑ ءَ دیمروی کُتگ وھدیکہ آ مُلکاں چہ بنداتی ءَ پہ وانگ ءُ زانگ ءَ ارزشت دات پرچا کہ ھمے مُلک سرپد ات اَنت کہ مرچیگیں کَسان سالیں نودربر مئے باندات ءِ ڈاکٹر، انجینئر، سائنسدان، ٹینکنوکریٹ ءُ ￶راجی رھشون بنت۔ ھمے راجاں مار اِت کہ بنی آدم ءِ بُنکی ھک اِلم(وانگءُزانگ) اِنت، اگاں ما وتی راج ءَ اِلم دات گُڑا دلجم بَہ ایں کہ آئی ءَ وتی ھَک رس ایت پرچا کہ ￶اِلم مھلوک ءَ ھک ءِ راہ پیش دار ایت پمیشکا ھمے مُلکاں وتی راج ءَ پہ اِلم ءَ مُپتیں کتاب، وانگجاھاں بس، گُد، بوٹ، اسکالرشپ ءِ ￵وڑیں ھمُک آسراتی دات۔

نی ما گْوش ایں کہ وانگ ءُ ￶زانگ ءِ ￵ھَک چون رس ایت؟ وانگ ءُ ￶زانگ ءِ ھک ھما وھد ءَ ￴رس ایت وھدیکہ یک مُلکے پہ امیر ءُ گریب ءَ ￴وانگ ءُ ￶زانگ ءَ ￴برابر بہ دار ایت انچوشکہ امریکہ ءُ ￶یورپ ءِ بازیں مُلکاں وانگ ءُ ￶زانگ پہ ھرکَس ءَ ￴آسان اِنت، بزانکہ مپت ءَ ￴اِنت۔ توری آسودگ بہ بنت یا توری امیر ءُ ￶بزنس مینے ءِ زھگے بہ بیت ھمے مُلکاں پہ نودربراں یکیں وانگی ءُ یکیں آسراتی اَنت۔ بزانکہ شریں وانگجاھاں ھرکَس ونت کنت۔ البت انڈیا ءُ چائینہ ءِ ￵وڑ ءَ دِگہ بازیں مُلکے انگت کار ءَ ￴اَنت کہ گریب ءُ ￶امیر ءِ ￵وانگ یکیں داب ءَ ￴بہ بیت۔ انڈیا ءَ پہ گریبیں نودربراں کتاب، بیگ ءُ ￶نداں ھوار نیمروچ ءِ ورگ ھم مُپت ءَ ￴رس ایت کہ بزگ ءُ لاچار ھم بہ وان اَنت۔ بلے مئے مُلک ءَ ￴اِے وڑ ءَ ￴نہ اِنت۔ میر، سردار، نواب، وڈیر، چوھدری ءُ ￶وزیر ءِ ￵زھگ اوکسپورڈ ءَ ￴وان ایت ءُ دومی نیمگ ءَ ￶گریب ءُ دھکان ءِ ￵زھگ پْروشتگیں اسکولاں پیادگی رو اَنت کہ اود ءَ اُستاد ءِ ￵جِند نیست۔

چہ ایشی ءَ ￴ھوار مئے مُلک کتاب ءِ ￵نھاد ھم سک گران اَنت، سرکار ءِ مُپت ءَ ￴بھر(تقسیم) کُتگیں کتاب ھم دُزی بنت ءُ ￶پد ءَ ￴دُکاندار ھمے کتاباں زر ءَ بھا کن اَنت۔ بستہ ءِ وزن چہ کسان سالیں نودربر ءَ ￴گیش اَنت۔ مرچاں الم یک سرکاری آسراتی یے کم ءُ ￶پہ سرکار ءُ ￶سرکار ءِ اڈ داتگیں کارءُ￶باری رستراں یک کارءُبارے بیتگ پمیشکا پہ گریب ءَ اِلم سک گِران اِنت۔ چہ ایشی ءَ ھوار نَکل ءَ ￴نودربرانی مجگ اوشت ءِ آماچ کُتگ اَنت۔ ھمے جیڑاھانی سبب ءَ ￴سندھ ءُ بلوچستان ءَ ￴ھزارانی کچ ءَ اسکول ویران اَنت، لکھانی کچ ءَ ￴اُستاد گِساں نِند اَنت ءُ ￶پگار گِر اَنت۔ اے بے وانگ ءُ رستری ءِ ￵سبب ءَ ￴کوچگ ءُ دمگانی مھلوک رھزن ءُ ￶ڈُنگ بنت کہ مرچاں “کچے کے ڈاکو” ءِ ￵نام ءَ ￴مشھور اَنت۔ گِند ئے￷ ھمے بے وانگ ءُ ￶اِلم ءِ ￵بے برابری ءِ ￵آسر اِنت کراچی ءُ دگہ مزنیں شھراں دُزی ءُ ￶ڈُنگی بوگ ءَ اَنت۔

بزانکہ پہ گریب ءَ ￴ماں اسکول لیول ءَ شریں وانگجاھاں نیست اَنت۔ البت پد ءَ ھم لھتیں نودربر اسکول ءِ دہ تبک وان اَنت ءُ ￶کالج ءُ ￶یونیورسٹیاں سر بنت کہ اود ءَ ھم ھمے کتابانی گِران نھادی، وانگ ءِ ￵پیس ءُ بے آسراتیانی جنجالی اَنت پمیشکا کالج ءُ یونیورساٹیانی نودربر، اُستاد ءُ لس وانِندہ چہ دنیا ءِ دِگہ وانِندھاں ناپوہ اَنت، یا گْوش ئے اگل ءَ کم کارمرز کن اَنت۔ مرچاں یونیورسٹیاں سر بوتگیں بلوچ راج ءِ نودربراں اے سرپدی نیست کہ دَرونت چے یے؟ نبشتہ چی ءَ گْوش اَنت؟ نبشتہ ءِ چُنت کاریچ(Process) اَنت؟ یا نبشتہ ءِ تہ ءَ لبزانکی نشان ءُ بھرگانی چے بِستار اِنت؟ یا Communication Skills چے یے؟

گِند ئے￷ اِے دْراہ ھما چیز اَنت کہ ایشاں ایچ ای سن کالج لاھور ءُ اوکسپورڈ ءِ ￵دربُرتگیں کراچی ءُ ￶اسلام آباد ءِ ￵نودربر چہ اسکول لیول ءَ ￴سرپد اَنت۔ مئے بلوچ راج ءِ ھما نودربر کہ چہ بلوچستان ءِ بے آسراتیں اسکولاں ونتگ اش، ایشاں ھچ سرپدی نیست کہ وانگ چے ءَ ￴گْوش اَنت؟ سرپدی چون رس ایت؟ سک بژن اِنت کہ مئے راج ءِ ￵نودربر سک اشتاپ ءُ دلپْروش اَنت۔ مُدام ھمے بے درونتانی وانگ ءَ رَٹا جنان ءَ سوالاں یات کنگ ءِ جُھد کن اَنت پد ءَ ￴ھپتگے ءَ ￴پد ھمے سوالاں شموش اَنت۔ مئے نودربرانی لوٹ ءُ ￶واھگ ھمیش اِنت کہ ھر چیزے ماں یکیں دمان ءَ ￴یات بہ بیت۔ گِند ئے￷ اِے زانگ ءُ المے وَ نہ اِنت۔ ایشاں اے سرپدی ھم نیست کہ سرپدی چہ درونت ءِ وانگ ءَ ￴رس ایت پمیشکا باید اِنت ما سوال ءُ جواب ءِ ￵سر ءَ ￴دماگ جنّگ ءَ ￴پیسر درونت ءَ ￴سرپد بوگ ءِ جھد بہ کن ایں، بِل اِت کہ مارا دَرونت سے رَند ءَ ￴وانگ بہ بیت پرچا کہ چہ درونت ءِ وانگ ءَ پد ما سوال ءِ ￵جِند ءَ شر سرپد بَہ ایں ءُ ￶پد ءَ ￴جواب ءَ ھم دائمی زان ایں۔ مرچیگیں انٹرنیٹ ءُ ￶وتی موبائلاں پہ الم ءِ ￵واست ءَ ￴کارمرز بہ کن ایں، وت ءَ وٹس ایپی بلوچی وانگجاھاں ھوار کنان ءَ وتی جِند ءِ راجی زبان براھوئی ءُ بلوچی ءَ ￴ھم موبائلاں بہ وان ایں پرچا کہ موبائل مئے ڈجیٹل کتاب اَنت۔

شالا زُبان دوست ءُ راجدوست بات اِت۔ بلوچ راج شالا وت ماں وت یکمُشت ءُ ھمدست بات۔ بلوچستان، بلوچ ءُ بلوچی شالا دیمروی بکنات۔