اَھد ءِ بانڑی ءُ گُل بی بی

نبشتہ کار: ڈاکٹر لاشاری

ما وھدیکہ چم پچ کُرت اَنت ءُ بلوچ ءِ راجدپتر ءُ گوستانک پول اِت، ھما سدی ءُ کرناں چہ بلوچ شیرزال ءِ کرد ءُ جوزگ ءِ توکل ماں راجدپتر ءَ چیدگ اَنت۔ ھما شیرزال کہ آئی ءَ تمردی ءُ جوھری پیش داشتگ، گُل بی بی، بانڑی، دادشاہ ءِ گْوھار ءُ میر کمبر ءِ مات سلتھاتون اے ھما شیرزال اَنت کہ راجدپتر ءِ تاکاں نمیران اَنت ءُ آیانی جھد ءُ کُربانی مروچیگیں بلوچ ءِ شیرزالاں آسرمندگ ءِ ھاٹیگ ءَ دیگ ءَ اَنت۔ مروچی ئیں وھد ءِ تہ ءَ ھستیں بلوچ شیرزالاں وتی کرد پیلو کرتگ ءُ پہ سرڈگار ءِ آجوئی ءَ ھیشی ئیں سراں ندریگ کنگ ءَ اَنت۔ گُڑا اے ھما بُنیاد انت کہ گُل بی بی ءَ بہ گر بیا دانکہ لمہ کریمہ ءُ شاری ءُ بانک ھوا ءُ اے دگہ پدائی شیرزال ءُ اے دگہ مات ءُ گْوھار کہ پہ راج ءُ زمین ءَ وتی گرانبھائیں ھوناں پہ زمین سمبئینگ ءَ اَنت۔
ما پمیشکا اے گپ ءَ پہ تچک ءُ راستی گْوش اِیں کہ بلوچ ءِ زمین بلوچ ءِ سرڈگار ءَ دانکہ شیرزال جھد مہ کن اَنت گُڑا بلوچ ءِ آجوئی ناسرجم اِنت۔ مروچی اے جھد ءَ یک دْروشمے داتگ ءُ مستاگی یے داتگ کہ بلوچ ءِ شیرزال ءَ ھم وتی لانک بستگ ءُ پہ وتی گُلزمین ءِ رکینگ ءِ ھاتر ءَ جھد ءَ گوں ھمگرنچ اَنت۔ اے جھد مرچی آجوئی ءِ بام ءَ پیشدارگ ءُ پدّر کنگ ءَ اِنت، بید ء بلوچ زالبولاں آجوئی ناسرجم اِنت، ما پگر کن اِیں کہ مئے راج ءِ تہ ءَ شیرزال ودی بوتگ ءُ وتی براتانی ھمکوپگ اَنت۔ وتی جان ءَ پدا کنگ ءَ اَنت پہ بچکندے کندان کندان ءَ ندر بوگ ءَ اَنت۔ سرانی کُربان کنگ ءَ ھچ چَک ءُ پد نہ بنت بلوچ ءِ شیرزال ءُ مات ءُ گْوھار ھوار اَنت دانکہ گُڈی ساہ ءَ پہ وتی ڈیھ ءِ آجوئی ءَ کُربان بنت۔
ما وتی بلوچ زالبول ءُ شیرزالیں گْوھار ءُ ماتانی جُھد ءَ ستاشانی ندر کن اِیں کہ کُربانی داتگ اش ءُ دیگ ءَ اَنت، دژمن ھم یات کنت کہ بلوچ ءِ مردین تھنا جنگجو نہ انت، بلکیں بلوچ ءِ زمین ءَ بلوچ شیرزال ھم ودی کتگ ءُ وت ءَ گوں شورھاں تْراک دے انت ءُ دُژمن ءِ ھپت پُشت یات کنت کہ بلوچ وتی زمین ءَ یک سنگے نہ دنت، تو چون مئے ڈیھ ءَ بر ئے، ما کُل بلوچ زالبولاں گْوش اِیں کہ آ وتی جھد ءَ پیلو بہ کن اَنت ءُ وتی زمین ءُ زبان ءِ جھد ءَ گامزن بہ بنت ءُ ھما شیرزالاں کہ وت ءَ پدا کرتگ وتی شھیدیں مات ءُ گْوھاراں یات بہ کن اَنت ءُ آیانی جھد ءَ گُڈی منزل ءَ سر بہ کن اَنت۔۔

سبز بات بلوچستان آجو بات سرڈگار۔