نبشتہ کار: ماھجبین بلوچ
اگاں دُنیا ءِ نوکیںترین یا انیگیں وھد ءَ برجاھیں جنگاں ھورت چاری بہ کن ایں گُڑا سرپد بَہ ایں کہ سال پہ سال جنگ ءِ میدان ءَ وڑ وڑیں سِلاہ کارمرز بوگ ءَ اَنت۔ جنگ ءِ نوکتریں سِلاہ جنگی ڈرون اَنت ءُ چہ ھمے ڈرونانی تہ ءَ کَسانیں ڈرون ھم ھست اَنت کہ نزوریں راجانی گوریلہ پورس سک باز آسانیں وڑے ءَ دژمن ءِ بُنجال، ملیٹاری انسٹالیشن، آفس ءُ کارجاھاں تباہ کنگ ءَ اَنت پمیشکا سے کَسانیں جنگی ڈرون گوریلہ پورس ءِ واست ءَ سک المی اَنت کہ دژمن بے وس بیت ءُ چہ کبزھگیری ءَ درکپ ایت۔ ھمے واست ءَ باید اِنت بلوچ راجی لشکر بی ایل اے ءُ براس ءِ باسک دُنیا ءِ جنگی ردومانی رِد ءَ ڈرون آسراتیاں ھم اِے راجی جنگ ءَ شُمار بہ کن اَنت۔
چوناھا امریکہ، روس، اسرائیل، ترکی، ھندوستان، ایران ءُ چین ءِ وڑ ءَ دگہ بازیں دیمروئی کرتگیں ملکاں وڑ وڑیں ڈرون، آئی ءِ رینج سرویلینس ءُ اٹیک ڈرون تیار کرتگ اَنت کہ اے بے ناھُدائیں ڈرون چہ رن وے ءَ بال گر اَنت ءُ رن وے ءِ سر ءَ ایرکپ اَنت، اے بے ناھدائیں بالیگاں موشک( میزائیل ) سنج کنگ بہ اَنت پمیشکا اے بالیگانی پہ گْوریلہ گلاں بھا زُورگ ءَ سک گْران اَنت، ایشانی زیرگ ءُ بڈ ءَ کنگ ھم بلائیں آسراتی لوٹ اَنت۔
البت انی روس ءَ ھور ءَ دگہ بازیں ملکاں انچیں کسانیں جنگی ڈرون تیار کرتگ اَنت کہ آ وت میزائیل اَنت اے نوکیں کسانیں جنگی ڈرون ناں بالی پٹے لوٹ ایت ناں کہ میزائیل ءُ دگہ بمب ءُ آسراتی یے لوٹ ایت، ایوک ءَ چہ سند(Bag)ءَ کش ءُ وتی ٹارگٹ ءِ نیمگ ءَ بال ئِے دئے۔ پہ دروری روس ءِ اے سوئیسائیڈ ڈرون ءِ نام Coyote-1 اِنت کہ نی آئی ءَ نوکیں ماڈل Coyote-2 ھم ھست کہ یک مردمے ایشی ءَ بڈ ءَ کنت، بال ئِے دنت ءُ نشانگ ءَ زوران ءَ دُژمن ءِ ھر وڑیں بیس ءُ کیمپے تباہ کرت کنت۔
چہ ایشاں گیش سبکین ءُ ارزان بھائیں جنگی ڈرون ھم ھست اَنت کہ دُژمن ءِ بِلڈینگ، ملٹی بلین ڈالر ءِ انفرسٹریچکر ءُ دگہ جنگی آسراتیاں تباہ کنت۔ اے کسان کسانیں ڈرون مروچاں میڈل ایسٹ ءِ جنگ آماچیں دمگاں ھوار یوکرین ءُ یمن ءَ باز کارمرد بوگ ءَ اَنت کہ آ اود ءَ زورگر پْروش ءِ آماچ اَنت۔
مرچاں. جنگی میدان ءَ دُنیا سک تیزی ءَ دیمروی کنگ ءَ اِنت۔ دُنیا ءِ ملک پہ وتی لشکر ءَ وڑ وڑیں آسراتی ءُ سِلاہ زورگ ءَ اَنت۔ ھمے داب ءَ ما بچار ایں کہ پاکستان ءِ لشکر ھم ٹی ٹی پی ءُ بلوچ راجدوستانی ھلاپ ءَ ڈرون کارمرز کنگ ءَ اَنت بلے پاکستان ءَ ھاسیں ٹارگٹ نیست۔ البت گوریلہ جنگولاں پہ پاکستان ءِ نشانگ ءُ زدگ کنگ ءَ ھر وڑیں ٹارگٹ ھست اَنت۔ گُڑا باید اِنت راجی لشکر بی ایل اے ءُ آئی ءِ دِگہ ھمدست ءُ ھم کوپگیں راجی سرمچارانی گل جھان ءِ آ دگہ گلانی وڑ ءَ وتی جنگ ءِ تہ ءَ ھم بدلی بیار اَنت۔ چہ زوتاں زوت ڈرون ءِ آسراتیاں اِے جنگ ءَ ھوار کن اَنت کہ دژمن ءِ کیمپ ءُ بنجاہ آسانی ءَ ٹوھیں ارشانی آماچ بہ بنت۔
بلوچ راج شالا پہ وتی راجی آجوئی ءَ یک مشت ءُ تپاک بات ، بلوچستان شالا آجو بات۔
