جیمڑی: 29 دسمبر ءَ چہ پانوان ءَزورگریں پاکستانی لشکر ءِ دست ءَ بیگواہ کنگ بیتگیں امران ء مھمد ءِ کھول ءَآئی یل نہ کنگ ءِ بگیری ءَ پانوان ءَ دگ بستگ ءُ نشتگ ۔
زھرشانی ءَجنین ءُ زھگاں ھوار مردماں بازیں کچے ءَ بھر زرتگ ءُ امران مھمد ءِ آجوئی ءِ لوٹءَ کنگ ءَ اَنت۔
چوش کہ زی گودار ءَبیگواھیں نومان اسھاک ءِ کھول ءَ ھم زھرشانی کرتگ اَت ءُ چہ انتزامیہ ءِ دروگیں دلبڈیاں آیاں وتی زھرشانی ھلاس کرتگ اَت۔ بلے کھول ءِ گوشگ اِنت اگاں نومان ءُ آدگہ زور بیگواھیں مردم آجو کنگ مہ بنت ما پد ءَ زھرشانی ءَ سی پیک دگ ءَ بند کن ایں۔
