بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں بولان ءِ ھند بی بی نانی ءَ پوج ءِ بنجل ءُ چاگی ءَ پولیس چوکی ءِ سر ءَ دستی بمب اُرش کرتگ۔
آئی ءَ گوشتگ کہ بی ایل ایپ ءِ سرمچاراں دہ دسمبر ءِ شپ ءَ ادار ھشت ءَ بولان ءَ بی بی نانی ءَ ایپ سی ءِ بنجل ءِ سر ءَ چہ دو نیمگاں اُرش کرتگ۔ ارش ءَ آر پی جی ءِ گولا آس داتگ کہ آ بنجل ءِ تہ ءَ نشانگ ءَ کپتگ اَنت ءُ چہ ایشی ءَ بنجل ءِ تہ ءَ آس روک بوتگ، اُرش ءِ آسر ءَ زورگریں پوج ءَ جانی ءُ مالی تاوان بوتگ۔
جارکش ءَ گوشتگ کہ دگہ کاروائی یے ءَ سرمچاراں ھپت دسمبر ءَ شپ ءِ نُھ ءُ نیم ءِ نزیک ءَ چاگی بازار ءَ پولیس ءِ چوکی ءَ دستی بمب اُرشے کرتگ کہ آ چوکی ءِ تہ ءَ کپتگ، ایشی آسر ءَ پولیس ءِ گاڑی ءُ چوکی ءَ تاوان بوتگ۔
میجر گھرام بلوچ ءَ ارشانی زمہ واری من اتگ ءُ گوشتگ کہ ھمے کول ءَ کن ایں داں زورگریں پوج ءِ سرجم ءَ در آھگ ءَ مئے جھد برجاہ بیت۔
