گْوادر: زورگریں پاکستانی لشکر ءِ کارمنداں رکشہ ڈرائیورے لٹ شاپ ءُ ٹپی کرتگ۔ رکشہ ڈرائیور پہ درمان کنگ ءَ نادراھجاہ ءَ برگ بوتگ۔
رکشہ ڈرائیور ءِ تامربندے شنگ بوتگ کہ تامربند ءَ گندگ بیت آ ٹپی اِنت ءُ آئی گُد ھم ھونیگ اَنت۔ پاکستانی لشکر ءِ گِر ءُ چیل بوگ ءَ آئی گد درتگ اَنت۔
تامربند ءَ ڈرائیور ءِ گوشگ اِنت کہ من ءَ پاکستانی لشکر ءِ کارمنداں گوں توپک ءِ بٹ ءَ جتگ۔
آئی ءَ گوں راج ءَ دلگوش گور کرتگ ءُ گوشتگ کہ لشکر ءِ زوراکیانی بگیری ءَ پاد بیا اِت ءُ توار چست بہ کن اِت۔
ھک بہ دیئت زرمبشت ءِ سروک ملا ھدایت الرھمان ءَ پاکستانی لشکر ءِ اے زوراکی ایر جتگ ءُ گوشتگ کہ گْوادر ءِ مردم مدام لشکر ءِ زوراکیانی آماچ اَنت۔ اگاں اے ویل ءَ ھواریں زمہ وار ءِ بگیری ءَ ایپ آئی آر کنگ نہ بوتگ ما زھرشانی ءَ کن ایں۔
